Mamosteyê min Sed Silav li giyanê te ey Endezyarê Rêzaniya kurdî

Share Button

Mamosteyê min
Sed Silav li giyanê te ey Endezyarê Rêzaniya kurdî

Hevalên hêja û xebatkar Endamên Nivîsgeha Rêzanî û Komîta Navendî ya partiya me
Hevala hêja û dilovan Leyle Hesen
Herdu xuhên min Delav û Rewşen

Silav li we hemiyan

Bi dilekî xemgîn û nerîneke melûl ez bi were li termê mamosteyê xwe temaşe dikim ku çawa mamosteyê min vê carê bi bê dengî pêşwaziya dost û hevalan dike , û bê gotin tenê ew Ala rengîn û sembola Partiya Pêşverû nîşanî partîzanan û gelê xwe dike.

Di 24 / 10 / 2019an de gelê kurd û Tevgera Rizgarîxwaza Kurdistanê xebatkar û serkirdeyekî mezin oxirkirin ew jî xebatkar û mamosteyê hêja damezrenêr û sekreterê partiya me heval Ebdilhemîd Derwîş e.

Mamoste Ebdilhemîd Derwîş hevalekî xebatkar , cefakêş û Hişmend bû , siyasetmedarekî navdar bû di nav gel û tevgera rêzaniya Sûrî û Kurdistanî de , Herwiha ew serkirdeyekî çalak û
bîrbir bû di çareserkirina pirsgirêk û qeyranên
rêzanî de.
Mamoste Hemîd jiyana xwe terxî gelê xwe kir û di rêveçûna xwe de karî bû kûrtirîn peywendiyên diplo-
masî li ser astên Sûrî , Kurdistanî , Herêmî û nav-
dewletî peyda bike û ma pabend di tekoşîn û xebata xwe de heya bi kêliya dawiyê ji jiyana xwe.

Heval Ebdilhemîd Derwîş Xebatkarekî Kurdistanî bû , bi dirêjahiya salan ji jiyana xwe ya xebatkarî xebat û tekoşîna wî herdem ji bo xizmet berjewendiyên gelê kurd û doza netewî ya kurdî de bû.

Hevalên xebatkar

Koça dawî ya mamoste Hemîd ne tenê zirara partiya me û gelê Kurdistana Sûriyê ye , Lê belê mezintirîn zirare ji her çar parçeyên welatê me re û ji hemî aliyên tevgera Azadîxwaza Kurdistanê re.

Bi vê bûyera xemgîn ez serê we hemiyan sax dikim û dibêjim: Bila serê we û serê hemî heval , kadir û xebatkarên partiya Pêşverû xweş be.

Ey hevalê hêja :
Dil şad raze Erê te ji nav me barkir lê te Dibistaneke xebatkarî li pey xwe peyda kir û te xebatkar gihandin.

Ey mamosteyê min :

Bi navê Kurd û Kurdistan û bi navê Partiya Pêşverû Em soz didin ku emê li pey Hişmendiya te bin û Emê berdewam bin di xebata xwe ya netewî û karê partîzanî de heya ku gelê me ji dagîrkeriyê rizgar dibe û dighê mafên xwe yên netewî di welatekî Azad û Demoqrat de.

Bavê Axtî namire wê herdem di hiş û dilê me de dijî

Sed silav li giyanê te ey Endezyarê Rêzaniya kurdî

Bila serê gelê Kurd xweş be

Sersaxî ji malbatê re û ji hemî hezkiriyên mamoste Ebdilhemîd Derwîş re.

Bimînin di xêr û xweşiyê de

25 / 10 / 2019

Birayê we Hişmend Şêxo
Endamê Komîta Navendî ya Partiya Demoqrat a Pêşverû ya Kurd li Sûriyê

Share Button

عن PDPKS

Warning: Division by zero in /storage/content/74/1006274/dimoqrati.info/public_html/wp-includes/comment-template.php on line 1390
x

‎قد يُعجبك أيضاً

عزيز كالو : وباء عالمي نفسي أكبر من كورونا نفسه

بات الكلام عن فيروس كورونا حديث الساعة والشغل الشاغل للكثيرين ولا أحد يمكن أن ينكر ...